لاحظت حاجه عجيبة اوووى اليومين اللى فاتوا ان فى ناس كتيرة بقت تهلل للدكتور شرف فى كل حاجه صغيرة بيعملها لان دى تصرفات كويسة محدش يقدر ينكرها بس دى تصرفات شخص عادى يعنى رجل شارع مصرى زى كل المصريين ايوة انا عارف اننا مش متعودين على تلك التصرفات من المسئولين بس الدكتور شرف شخص مؤدب ومحترم ولا يختلف عليه اتنان بس القصة وتصرفاته بتؤكد ذلك .. اما الناس علشان ما تعودتش على ده فده عندها حاجه كبيرة زى موضوع ان كان بيفطر فى المهندسين فى مطعم التابعى الناس طلعت وهللت وكمان موقفه من حذاء الحاجه راوية محمد الفلاحة المصرية التى تركت حذائها امام مكتبه وهو قام وجابه وقالها البسى يا حاجه وهذا كله كما علمنا من الصحافه وكذلك موقف اصراره على دفع الغرامه كلها مواقف انسانية باحته ويستحق الشكر والتقدير عليها
..................................................................................
ندخل بقا على عمله كرئيس للوزراء ماذا فعل لحد دلوقتى الامور بدأت تفلت من ايده وانا عن نفسى زعلت انى هتفتله فى ميدان التحرير لانه طيب والبلد عاوزه ولد عفى يقدر يقف فى وش المجلس العسكرى وياريت الدكتور شرف يخرج ويقولنا ويفهمنا ايه اللى بيحصل بالضبط بالنسبة لمسألة تعين المحافظين ................ فلو كان اختيار المحافظين من اختيارك يا دكتور شرف أحب اقول لسيادتك اختيارك غير موفقه لان المحافظين جميعا غير مرغوب فيهم بالاضافه الى اختيارك 3 من كلية الهندسة ومنهم الدكتور عصام سالم استاذك علما بأنه تجاوز ال 80 عام ،، أما لو كانت مفروضه عليك من المجلس العسكرى فهذه مصيبة اكبر ... ياريت توضحلنا على اى اساس تم الاختيار حيث ان ..... المحافظون الجدد 13 قادمون من أفرع القوات المسلحة المختلفة والأجهزة السيادية ، و6 من جهاز الشرطة –بينهم 2 من جهاز أمن الدولة المنحل - ، و7 مدنيين - اربع قيادات جامعية سابقة منهم 3 مرفوضين شعبيا واثنين من القضاء وواحد من مرفق عام
يا سيادة رئيس وزراء مصر كل ما ارجوه منك ان تتلتزم بما قلته واعلنته فى ميدات التحرير وحينها اعلنت انك ستتقدم باستقالتك اذا لم تستطع ان تفعل شىء وانا عن نفسى شايف ده وشايف ان المجلس العسكرى سورى فى اللفظ ومع كامل احترامى لحضرتك بس هو عاملك شرابة خورج زى ما بيقولوا ياريت تفهمنا يا معالى رئيس الوزراء واكررها يا معالى رئيس الوزراء ولا زى ما بيقولوا الكرسى غيرك انا عن نفسى اشك فى ذلك بس موقفك المتخاذل من القضايا الهامه هو علامات استفهام يجب ان نتوقف عندها ؟؟؟!!!!!
ليست هناك تعليقات:
إرسال تعليق